Sunday, June 7, 2009

woh aaye basanti hawa ke jhonkon ki tarah

mehka gaye mere mann ka aangan.......

hath thamkar kuchh kadam saath chale hi the

hasaya-rulaya-sapne dekhen......

chalo anjaane main hi sahi kuchh vade bhi kiye

chupke-chupke kab fisalta gaya

ke caravaan kuch khabar na chala.

ritu ki pukar huyi aur bas laut pade wo kadam.......

unhi ke aashiyane taraf

par zindagi thami kaha hai?

ab bhi barkaraar hai.....aage badte hai yeh kadam

bas yuhi kabhi 'gar hawa chuu kar guzarti hai

ehsaas hota jaata hai..........................................mausam badalte hain!

3 comments:

  1. Hindi main likho sriju ji font hindi main likhane ke liye google main jayen Indic translitration sea karein

    ReplyDelete
  2. woh aaye basanti hawa ke jhonkon ki tarah

    mehka gaye mere mann ka aangan.......

    hath thamkar kuchh kadam saath chale hi the

    hasaya-rulaya-sapne dekhen......

    bahut sunder rachna hai...

    ReplyDelete
  3. saral, sahaj,sunder abhivyakti..likhti rahiye.
    blog par aane ka tahe dil se shukriya.

    ReplyDelete